Fluks i madh pushuesish drejt bregdetit të Lezhës, trafik i rënduar në Milot–Lezhë dhe Lezhë–Shëngjin

Fundjava me temperatura të larta ka sjellë një fluks të madh pushuesish drejt bregdetit të Lezhës.

Që prej orëve të para të mëngjesit, aksi Milot–Lezhë dhe rruga Lezhë–Shëngjin po përballen me qarkullim të dendur automjetesh, duke shkaktuar trafik të rënduar dhe vështirësi në lëvizje.

Në disa segmente janë krijuar kolona të gjata mjetesh, ndërsa drejtuesit e automjeteve po përballen me vonesa të konsiderueshme në mbërritjen drejt zonave bregdetare.

Fluksi i lartë i pushuesve pritet të vijojë gjatë gjithë fundjavës, për shkak të motit të nxehtë dhe rritjes së lëvizjeve drejt bregdetit.