Të paktën shtatë civilë afganë kanë mbetur të vdekur pasi janë shtypur nga turmat jashtë aeroporit të Kabulit, ndërkohë që njerëzit përpiqen të ikin me çdo kusht nga vendi. Rreth 4 500 trupa amerikane janë nën kontrollin e përkohshëm të aeroportit të Kabulit, si dhe rreth 900 ushtarë britanikë janë gjithashtu në patrullimin në vend, si pjesë e përpjekjeve për të siguruar fluturimet e evakuimit.
Nga krahu tjetër, militantët talebanë kanë ngritur postblloqe rreth perimetrit të aeroportit dhe kanë bllokuar afganët për dokumentet e udhëtimit, ende pa hyrë në aeroport.
Mary-Ellen McGroarty, drejtoresha e Programit Botëror të Ushqimit të OKB-së për Afganistanin, tha se veprimi i shpejtë i koordinuar është i domosdoshëm.
"Ne duhet të dërgojmë furnizime në vend, jo vetëm në aspektin e ushqimit, por furnizimet mjekësore, furnizimet e strehimit. Kemi nevojë për para dhe na duhen tani. Përndryshe kjo situatë do të kthehet në një katastrofë të plotë humanitare".
Tony Blair, ish-kryeministër britanik, që ka çuar trupat ushtarake në luftë në Afganistan më 2001, e ka konsideruar tërheqjen ushtarake të Perëndimit nga ky shtet si “të rrezikshme” dhe “të panevojshme”.
Të paktën 20 persona kanë vdekur në shtatë ditët e fundit në dhe përreth aeroportit të Kabulit gjatë evakuimeve pasi talebanët morën kontrollin e kryeqytetit afgan në 15 gusht.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
