Presidenti i Komisionit Evropian Jean-Claude Juncker paralajmëroi sot se ekziston rreziku i konflikteve të reja ushtarake në Ballkan, nëse vendet e rajonit mbeten pa perspektivë evropiane.
"Nëse një rajon kaq i ndërlikuar evropian të jep një përshtypje se nuk jemi serioz me perspektivën evropiane, do të përjetojmë, më shpejt se sa më vonë, atë që kemi pasur në Ballkan gjatë viteve 1990", theksoi Juncker në një fjalim të titulluar "Për Evropën si një aktor i politikës së jashtme", i prezantuar para Parlamentit Austriak.
Juncker theksoi se historia e viteve 1990 ende nuk është tejkaluar në Ballkan.
"Historia e viteve 1990 u bë e mundur, sepse dekadat dhe shekujt e kaluar nuk ishin trajtuar", tha ai.
Ai megjithatë theksoi se rruga e vendeve të Ballkanit Perëndimor drejt anëtarësimit të plotë në BE është ende e gjatë. Sipas tij, mund të shihet një progres, por nuk del mjaftueshëm.
Juncker propozoi që vendeve të Ballkanit Perëndimor të ofrohen një lloj zone ekonomike në të cilën ata mund të veprojnë pjesërisht në mënyrën se si do të bëheshin kur të bëheshin anëtarë të plotë.
"Anëtarësimi i plotë nuk pritet para 2025", tha Juncker. Ai nënvizoi se BE duhet të punojë intensivisht me rajonin dhe ta ndihmojë atë kur është e nevojshme, por gjithashtu ta bëjë shumë të qartë se çdo mosmarrëveshje kufitare duhet të zgjidhet para se të hyjë në BE.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
