Greqia mori sot mbështetjen e rregullatorëve të konkurrencës së BE për të zgjatur skemën e saj të reduktimit të kredisë së keqe "Hercules". Kjo do të ndihmojë bankat të zvogëlojnë kreditë e këqija që rëndojnë mbi bilancet e tyre.
Skema u lançua në tetor 2019 për të ndihmuar bankat e vendit të shkarkojnë deri në 30 miliardë euro nga kreditë e këqija duke kthyer paketat e kredive të zhvlerësuara në letra me vlerë të mbështetura në asete që mund t'u shiten investitorëve. Athina dëshiron ta zgjasë skemën deri në tetor 2022.
Komisioni Evropian tha se miratimi i skemës vjen me kushtin që nuk do të përfshihet ndihma shtetërore.
"Unë mirëpres zgjatjen e skemës Hercules, e cila ka rezultuar shumë e suksesshme në ofrimin e një zgjidhjeje konform tregut për të zeruar kreditë me probleme nga bilancet e bankave greke, pa dhënë ndihmë ose deformuar konkurrencën", tha Komisionerja Evropiane e Konkurrencës, Margrethe Vestager në një deklaratë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
