Gjykata e Tiranës ka dhënë masën “arrest me burg” në mungesë për ish-kreun e Bashkisë Vorë, Agim Kajmaku, ndaj të cilit prokuroria lëshoi urdhrin e arrestit një ditë më parë.
Ndërkaq, gjykata ka urdhëruar kontrollin e banesës së Kajmakut, me qëllim gjetjen e provave që vërtetojnë shpërdorimin e detyrës.
Ish-kreu i Bashkisë Vorë u shkarkua nga KQZ më 1 nëntor pasi shkeli ligjin e dekriminalizimit duke mos deklaruar një dënim në Greqi.
Agim Kajmaku është kryebashkiaku i dytë i PS, i zgjedhur në 30 qershor, i cili largohet nga detyra pas akuzave të opozitës.
Para Kajmakut u largua nga detyra Valdrin Pjetri, i cili ishte kryebashkiak në Bashkinë e Shkodrës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
