Një sasi prej 62 kg kanabis u gjet në një stan në fshatin Lapardha të Vlorës. Lënda narkotike ishte fshehur në tre bidona plastikë. Policia ka vënë në pranga një 74-vjeçar me inicialet T.A., si dhe ka shpallur në kërkim dy 43-vjeçarë të tjerë.
Njoftimi i policisë
Më datë 10.05.2017, në vijim të zbatimit të masave të përcaktuara në "Planin e Veprimit", për parandalimin dhe goditjen e veprimtarisë kriminale të kultivimit dhe trafikimit të lëndeve narkotike, pas kontrollit të ushtruar në stanit e shtetasit T.A në fshatin Lapardha, Bashkia Selenicë, Policia e Vlorës ka konstatuar dhe sekuestruar një sasie me lëndë narkotike të dyshuar të llojit Cannabis Sattiva.
Lënda narkotike ishte e vendosur në 3 bidona plastikë, të fshehura në territorit e këtij stani, e cila pas peshimit ka rezultuar me peshë totale prej 62 kilogramë.
Në lidhje me këtë ngjarje, Seksioni për Hetimin e Narkotikëve ka bërë të mundur kapjen në flagrancë të pronarit të stanit, si dhe ka shpallur në kërkim dy djemtë e tij :
1- T.A, 74 vjeç (arrestuar)
2- P. A., 43 vjeç (në kërkim)
3- B. A., 43 vjeç (në kërkim)
Po punohet për kapjen e shtetasve të shpallur në kërkim.
Materialet iu referuan Prokurorisë për veprën penale "Prodhimi dhe shitja e lëndëve narkotike, kryer në bashkëpunim".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
