Italia është përfshirë nga moti i keq, i shoqëruar me reshje të dendura shiu dhe përmbytje. Mbi 80 milimetra shi ranë në Emilia-Romagna në 4 orë, duke përmbytur një pjesë të madhe të qytetit të Bolonjës dhe zonën përreth.
Mediat fqinje raportojnë se nga përmbytjet janë prekur edhe Ravena Modena, Reggio Emilia dhe shiu e bëri situatën kritike në të gjitha rrugët e Apenineve. Një veturë në Pianoro u godit nga një valë përmbytjeje, gjë që rezultoi fatale për një 20-vjeçar.
Dhe ndërsa presidentja në detyrë e Rajonit, Irene Priolo fton njerëzit të ndjekin udhëzimet e kryetarëve të bashkive, veçanërisht në lidhje me rrugët e pakalueshme dhe evakuimet nga katet e sipërme të ndërtesave, kryetari i bashkisë së Bolonjës, Matteo Lepore ka këshilluar qytetarët përmes rrjeteve sociale që të mos dalin në rrugë dhe të mos përdorin makinat.
Në bazë të parashikimeve të disponueshme, Departamenti i Mbrojtjes Civile ka lëshuar një paralajmërim të ri për kushte të pafavorshme moti i cili parashikon që reshjet të vazhdojnë në Campania, Pulia, Basilicata dhe Kalabria.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
