Një automjet me targa të Serbisë është djegur të hënën pas mesnate në veri të Mitrovicës. Lajmi bëhet me dije për REL nga drejtori i Policisë për rajonin e Mitrovicës së Veriut, Besim Hoti.
“Ngjarja ka ndodhur në orën 02:05 të mëngjesit”, tha ai, duke shtuar se kanë nisur hetimet për ngjarjen. Nuk është hera e parë që digjen mjete me targa RKS, në pronësi të qytetarëve serbë që jetojnë atje.
Aktualisht, autoritetet e Kosovës janë duke zbatuar një plan tre fazësh përmes të cilit inkurajohen qytetarët në katër komunat veriore të vendit, që të riregjistrojnë veturat e tyre në targa RKS.
Faza e parë niste me qortime, e dyta me gjoba, dhe e treta parashikon vendosjen e disa targave provuese.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
