Për ngjarjen e ndodhur pak ditë më parë në Elbasan ku u vra 33-Madrit Ulqinaku, policia e Elbasanit ka arritur të dokumentojë me prova shkencore dhe me pamje filmike autorësinë dhe identifikimin e autorit i cili qëlloi në drejtim të Madrit Ulqinakut.
Korrespodenti i MCN raporton se autori është identifikuar si Horgito Peqini 18 vjeç i cili ka qëlluar mbas shpine me pistoletë viktimën.
Ndërkohë policia e Elbasanit ka arrestuar 18-vjeçarin Ejden Dinon dhe ka shpallur në kërkim 33-vjeçarin Klaudjan Safullin.
Sipas hetimit të policisë Elbasan këta tre persona janë konfliktuar me viktimën Madrit Ulqinaku dhe pas debatit autori i identifikuar si Horgito Peqini 18 vjeç ka marrë armën në makinë dhe e ka qëlluar pas shpine, duke e lënë të vdekur në vend.
Nga hetimet policore, grupi hetimor bazuar dhe në prova shkencore dhe në pamje filmike rezulton se ngjarja i ngjason një konflikti të çastit por hetimet do të vijojnë deri në zbardhjen e plot të ngjarjes.
Policia e Elbasanit dhe grupi hetimor mendon se së shpejti do të kenë arritur të arrestojnë dhe dy personat e shpallur në kërkim pasi mund të kenë rënë dhe në gjurmët e tyre, ku në orët në vijim mund të ketë rezultat në kapjen e tyre.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
