Një 14-vjeçare iraniane me emrin Masooumeh, gjeti vdekjen në Teheran pasi u arrestua sepse hoqi shaminë në klasë në shenjë proteste.
Një lajm i tillë bëhet e ditur nga drejtori i organizatës joqeveritare “Qendra për të Drejtat e Njeriut”. Vajza u identifikua duke këqyrur regjistrimet e kamerave e shkollës që frekuentonte. Pasi u ndalua, vajza u dërgua në spital ku u konstatuan plagë të rënda vaginale dhe aty ndërroi jetë.
Vetëm pak ditë më parë u arrestua aktorja e njohur Taraneh Alidoosti, pasi kishte publikuar imazhe ku shfaqej pa mbulesë.
Në postimet e saj në rrjetet sociale Taraneh Alidoosti kishte mbështetur protestat mbarëkombëtare që kanë përfshirë Iranin prej afro katër muajsh, të shkaktuara nga vdekja e 22-vjeçares Mahsa Amini, pas ndalimit nga policia për mos mbajtjen e shamisë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
