Një 21-vjeçar i shpallur në kërkim është arrestuar në fshatin Vermosh, Malësi e Madhe, pasi akuzohet për kultivim të bimëve narktoike.
Burimet zyrtare bëjnë me dije se 21-vjeçari ishte shpallur në kërkim për veprën penale “Kultivim i bimëve narkotike” kryer në bashkëpunim, pasi në vendin e quajtur pylli i Rrihnave, në fshatin Vermosh, në faqen e malit kishte mbjellë një sasi të konsiderueshme bimësh narkotike.
Ndërkohë katër persona të tjerë dyshohet se janë të përfshirë, për të cilët policia po punon për t’i identifikuar dhe vënë në pranga.
Materialet iu referuan Prokurorisë së Rrethit Gjyqësor Shkodër për veprat penale "Kultivimi i bimëve narkotike", "Prodhimi dhe shitja e narkotikëve", "Moskallëzim i krimit" dhe "Grup i strukturuar kriminal".
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
