Trump sulmon Zelenskyn: Një diktator i pazgjedhur dhe një komedian modest

Presidenti amerikan Donald Trump sulmon Presidentin ukrainas Volodymyr Zelensky si një “diktator të pazgjedhur” dhe një “komedian modest” i cili arriti të merrte qindra miliardë nga Shtetet e Bashkuara të Amerikës për një luftë që nuk do ta fitonte kurrë.

Një komedian modest, Volodymyr Zelenskyy, i nxiti Shtetet e Bashkuara të Amerikës të shpenzonin 350 miliardë dollarë, për të shkuar në një luftë që nuk mund të fitohej, që nuk duhej të fillonte kurrë, por një luftë që ai, pa SHBA dhe “TRUMP”, nuk do të mund ta zgjidhte kurrë.

Shtetet e Bashkuara kanë shpenzuar 200 miliardë dollarë më shumë se Europa, dhe paratë e Evropës janë të garantuara, ndërsa Shtetet e Bashkuara nuk do të marrin asgjë mbrapsht.

Pse Joe Biden nuk kërkoi barazimin, pasi kjo luftë është shumë më e rëndësishme për Evropën sesa për ne.

Ne kemi një oqean të madh dhe të bukur që na ndan. Për më tepër, Zelensky pranon se gjysma e parave që i dërguam atij “mungon”.

Ai refuzon të ketë zgjedhje, është shumë i ulët në sondazhet në Ukrainë dhe e vetmja gjë në të cilën ishte i zoti ishte të luante Biden si “një fyell”.

Një diktator i pazgjedhur, Zelensky më mirë të lëvizë shpejt ose nuk do t’i mbetet asgjë.

Ndërkohë, ne po negociojmë me sukses për të shënuar fundin e luftës me Rusinë, diçka që të gjithë e pranojnë se vetëm Trump dhe administrata Trump mund ta bëjë.

Biden nuk u përpoq kurrë, Evropa ka dështuar të sjellë paqen.

Unë e dua Ukrainën, por Zelensky ka bërë një punë të tmerrshme, vendi i tij është shkatërruar dhe miliona njerëz kanë vdekur pa qenë nevoja dhe kështu vazhdon...

Reagimi i Trump në rrjetin social Truth vjen pasi Presidenti ukrainas e akuzoi Presidentin amerikan të mërkurën se jeton në një “hapësirë ​​dezinformomi” të krijuar nga Rusia, komente të theksuara që rrezikuan të përkeqësojnë më tej marrëdhëniet me Uashingtonin ndërsa lideri amerikan shtyn negociatat për t’i dhënë fund luftës.