Qeveria shqiptare ka pezulluar të gjitha fluturimet me Italinë.
Lajmi është konfirmuar nga Ministrja e Infrastrukturës dhe Transportit, Belinda Balluku të martën gjatë një konference për mediat, e cila ndër të tjera theksoi se janë mbyllur edhe linjat e fluturimit drejt Romës dhe Barit.
“Aeroporti i Romës apo i Barit nuk do të jenë më të aksesueshme. Avioni i fundit i Alitalias është ulur në 10:30 me 64 pasagjerë , të cilët janë regjistruar nga grupet e shëndetësisë.U kërkohet autokarantinimi. Avioni tjetër drejt Romës është nisur në 11:40. Këtu ndërpriten të gjitha fluturimet”, tha Balluku.
Balluku tha se sa i takon pasagjerëve të mbetur në vendin tonë, ata nuk do të nisen pa ardhur avionë bosh për tërheqjen e tyre.
Ndërkohë, sonte, do të nisen tragetet e fundit me pasagjerë nga Vlora dhe Durrësi. Mësohet se pas ditës së sotme, nuk do të ketë më udhëtime drejt Barit dhe Brindisit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
