Një konflikt i rëndë në familje që mund të kishte rezultuar tragjik ka ndodhur në qytetin e Lushnjës.
Në sherr e sipër, babai ka plagosur me thikë gruan dhe djalin, dhe më pas ka përfunduar në prangat e policisë.
Specialistët për Hetimin e Krimeve në Komisariatin e Policisë Lushnjë, arrestuan në flagrancë shtetasin Shpresim Gj., 45 vjeç, banues në Dushk, Lushnjë.
Sipas burimeve, arrestimi i këtij shtetasi u bë pasi në banesë, për motive të dobëta ka qëlluar me thikë bashkëshorten, shtetasen M.Gj, 43 vjeçe, dhe djalin e tij, shtetasin M.Gj, 18 vjeç, duke iu shkaktuar dëmtime të lehta.
Të plagosurit ndodhen fatmirësisht jashtë rrezikut për jetën pas ndihmës së marrë në spital.
Materialet i kaluan Prokurorisë pranë Gjykatës së Shkallës së Parë Lushnje për veprën penale “Dhunë në familje”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
