Gjykata e Krimeve të Rënda ka dhënë masën e sigurisë “arrest me burg” për Tajar Kazanxhi, i cili pak ditë më parë qëlloi të shoqen me sqepar në shtëpinë e tyre në fshatin Plug te Lushnjes.
Gruaja e tij, 51- vjeçarja Natasha Kanzanxhi, mësohet se gjeti vdekjen në spitalin e Traumës në Tiranë pas disa orësh luftë me vdekjen që nga momenti i krimit.
55-vjeçari është shprehur i penduar dhe u ka kërkuar falje fëmijëve për vrasjen e nënës.
“Nuk di pse e kam bërë, u kërkoj falje fëmijëve” është shprehur ai para gjyqtares që dha masën e sigurisë.
Ngjarja e rëndë ndodhi rreth orës 18:15 minuta të pasdites së të premtes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
