Një emër i njohur për drejtësinë është ndaluar paraditen e sotme pranë selisë së Partisë Socialiste. Vladimir Gjuta është shoqëruar në polici, pasi iu gjet një armë teksa ndodhej afër selisë rozë. Punonjësit e komisariatit 3 e kanë pikasur dhe kanë njoftuar gardën e cila bëri dhe ndalimin.
Vladimir Gjuta ishte liruar 5 ditë më parë ndërsa ishte arrestuar më 22 janar pasi kishte dhunuar kushëririn e tij. Pas tërheqjes së denoncimit Gjuta ishte lënë i lirë.
Gjuta njihet për problemet e shpeshta me drejtësinë. Ai është arrestuar në vitin 2015 në Tunelin e Kalimashit me paruke në kokë, teksa tentonte të arratisej jashtë vendit pas tritolit të vendosur në farmacinë e babait të ish-ministrit Tahiri.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
