Pavarësisht se ka qenë shpesh një nga zërat kritikë në PD kohët e fundit, deputeti Eduart Selami nuk u është bashkuar zërave kritikë kundër Bashës pas publikimit të listave të kandidatëve për zgjedhjet e 25 qershorit.
Në një status në "Tuiter", Selami shpreh mbështetjen për listën "Basha".
"Koha per fushate jo per analiza. Lista ka mbeshtetjen time. Suksese!", shkruan Selami në "Tuiter".
Ndërkohë, figura të njohura të PD-së po zhvillojnë një takim. Pas prononcimit të përbashkët të Jozefina Topallit dhe Arben Imamit, atyre u janë bashkuar në një takim edhe deputetët Majlinda Bregu, Astrit Patozi, Ritvan Bode dhe Dashnor Sula. Topalli dhe Imami thanë sot se Basha nuk ka kryer konsultime për emrat e kandidatëve, duke anashkaluar forumet, një arsye kjo për ta shkarkuar nga kreu i PD-së.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
