Autoritetet e ishullit të Jersey, parajsë fiskale e lidhur me kurorën britanike, ngrin 5.4 miliardë sterlina aktive, ose rreth 7 miliardë dollarë, të cilat i atribuohen oligarkut rus Roman Abramovich.
Një fakt i tillë raportohet nga agjencia Bloomberg.
Abramovich, pasuria totale personale e të cilit vlerësohet në rreth 12 miliardë dollarë, i është nënshtruar sanksioneve nga qeveria e Londrës dhe Bashkimi Europian, por jo nga SHBA deri tani, si shenjë e hakmarrjes perëndimore për sulmin rus ndaj Ukrainës.
Sanksionet ndaj Abramovich, vijnë pasi biznesmeni cilësohet si njeri i afërt i Vladimir Putin.
Masat perëndimore kundër Abramovich i mbajnë asetet e tij të ngrira dhe të ardhmen e klubit të tij të futbollit Chelsea FC të pasigurt.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
