Emily Ratajkowski ka akuzuar këngëtarin Robin Thicke se e ka sulmuar seksualisht në një video të realizuar për hitin e vitit 2013 “Blurred Lines”.
Supermodelja amerikane, 30-vjeçe, pretendon se Thicke e kapi nga gjoksi kur ishte e zhveshur gjatë xhirimeve të videoklipit. Në video ishin dhe dy modele të tjera gjysmë të zhveshura, së bashku me amerikano-kanadezin Thicke, Pharrell Williams dhe reperin TI, të cilët ishin të gjithë të veshur plotësisht.
Ratajkowski ngre akuzat në librin e saj të ardhshëm “Trupi im”. Ajo shkruan: Papritur, nga hiçi, ndjeva duart e ftohta të një të huaji i cili më kapi nga gjoksi im i zhveshur.
U largova instinktivisht dhe shoh prapa Robin Thicke. Ai buzëqeshi, ndërsa mua mu errësua komplet”.
Ratajkowski tha se veprimet e Thicke e bënë atë të ndihej "lakuriq për herë të parë atë ditë".
"Unë e shtyva mjekrën përpara dhe ngrita supet, duke shmangur kontaktin me sy, duke ndjerë poshtërimin nëpër trupin tim," tha ajo. "Unë nuk reagova - jo në të vërtetë, jo ashtu siç duhet të reagoja."
Drejtoresha e videos, Diane Martel, tha se ajo ishte dëshmitare e incidentit dhe "bërtiti" në Thicke, duke vënë në dyshim sjelljen e tij. “Mbaj mend momentin kur ai kapi gjoksin e saj. Ai qëndronte pas saj pasi të dy ishin në profil, "tha ajo për The Times.
Të dy Ratajkowski dhe Martel thanë se Thicke ishte i dehur në atë moment.
Martel tha se Thicke "kërkoi ndjesë" për sjelljen e tij dhe vlerësoi profesionalizmin e Ratajkowski, ndërsa ajo vazhdoi xhirimin.
Drejtoresha tha se ajo kishte për qëllim që videoja të përmbyste dinamikën e fuqisë, duke i vendosur burrat në një pozitë inferiore pasi gratë i injoruan dhe tallen me ta.
Ratajkowski tha se veprimet e Thicke komprometuan çdo ndjenjë të fuqizimit të grave.
Ajo tha: "Me atë gjest të vetëm, Robin Thicke u kishte kujtuar të gjithëve në xhirime se ne gratë nuk ishim në të vërtetë në krye.
Unë nuk kisha asnjë fuqi të vërtetë pasi vajza lakuriq vallëzonte në videon e tij muzikore. Unë nuk isha asgjë më shumë se një manekin i punësuar. ”
“Blurred Lines” shkaktoi polemika në 2015, kur një juri u dha fëmijëve të Marvin Gaye gati 7.4 milion dollarë (5.5 milion £) pasi përcaktoi se këngëtari Thicke dhe Williams kopjuan muzikën e babait të tyre për të krijuar hitin.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
