Për herë të parë, ministri i Mbrojtjes, Niko Peleshi, ka pranuar publikisht se në ish depon e minave në Porto Romano, objekt në pronësi të ushtrisë është ndërtuar pa leje.
I pyetur nga MCN, Peleshi tha se aktualisht kjo pronë nuk është në përdorim të Ministrisë së Mbrojtjes, ndonëse është në administrimin e saj.
Peleshi bëri me dije se Ministria e Mbrojtjes ka depozituar tre padi ndaj Kastrati Group në Prokurorinë e Durrësit, pasi është konstatuar se ka zgjeruar aktivitetin e saj më këtë zonë që aktualisht është pronë e ushtrisë.
Ministri i Mbrojtjes u pyet edhe për të dhënat nga përdorimi i satelitëve. Pa dhënë shifra mbi bilancin e deri tanishëm të dy satelitëve të lëshuar në hapësirë, ministri i Mbrojtjes la të kuptohet se agjencia e ngritur posaçërisht është në proces njohje dhe specializimi për të mundur t’i përdorë imazhet e përfituara.
Këto deklarata Peleshi i bëri pas mbledhjes së kësaj të premteje të këshillit të ministrave ku ndër të tjera u miratua edhe fondi 240 milionë për ndërmarrjet sociale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
