Ekipi i Alexei Navalny ka konfirmuar vdekjen e aktivistit politik rus dhe ka bërë thirrje që trupi i tij t'i kthehet menjëherë familjes së tij.
Navalny, i cili po vuante dënimin brenda një burgu siberian, vdiq në orën 14:17 me kohën lokale më 16 shkurt, sipas një dokumenti të dhënë nënës së tij, Lyudmila.
Protestat janë mbajtur pranë ambasadave ruse në shumë vende pas vdekjes së kritikut të hapur të Vladimir Putinit. Më shumë se 100 protestues në rrugë u arrestuan në qytetet ruse.
Sekretari i Jashtëm i Mbretërisë së Bashkuar, David Cameron tha se "duhet të ketë pasoja" për vdekjen, duke shtuar se Londra "po ndërmerrte veprime".
Navalny ndodhej në një burg rus që nga viti 2021 për akuza që gjerësisht konsideroheshin si të motivuara politikisht.
Presidenti amerikan Joe Biden ka thënë se Vladimir Putin është "përgjegjës" për vdekjen e Navalny.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
