Trajneri i Galatasaray-t, Fatih Terim, ka deklaruar se është prekur nga koronavirusi. 66-vjeçari, e konfirmoi rezultatin e testimit përmes një postimi në Twitter të hënën.
“Sipas rezultatit të testit që realizova sot, dola pozitiv me koronavirus. Jam në duar të mira në spital, mos u shqetësoni. Do të komunikojmë sërish bashkë sa më shpejt të jetë e mundur”, shkroi ai.
Në një reagim në Twitter, klubi turk shprehu mbështetjen për trajnerin. “Çfarë nuk mund të arrijmë kur qëndrojmë pranë njëri-tjetrit. Jemi me ty, mjeshtër”. Përveç Terim, koronavirusi ka prekur edhe zëvendëspresidentin e klubit, Abdurrahim Albayrak, 65 vjeç.
Terim gjatë karrierës së tij ka drejtuar dhe klubet italiane si Milan e Fiorentina, gjithashtu dhe kombëtaren e Turqisë./haberler.com/
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
