Presidenti ukrainas Volodymyr Zelensky thotë se sulmet masive ajrore dhe tokësore të Moskës kanë për qëllim shkatërrimin e të gjithë rajonit të Donbasit dhe u bëri thirrje aleatëve të Ukrainës që të shpejtojnë dërgimin e armëve të rënda për t’iu përshtatur Rusisë në fushën e betejës.
Lufta për qytetet binjake Sievierodonetsk dhe Lysychansk në rajonin Luhansk të Ukrainës po hyn në një lloj kulmi të tmerrshëm, tha Oleksiy Arestovych, këshilltar i Presidentit Zelensky. Ndërkohë Zelensky deklaroi se do të duhet të çlirojmë vendin dhe të arrijmë fitoren, por më shpejt.
Ka pasur sulme masive ajrore dhe artilerie në Donbas. Objektivi i forcave pushtuese është gjithmonë i njëjtë, ata duan të shkatërrojnë të gjithë Donbasin hap pas hapi.
Kjo është arsyeja, vazhdoi ai, “përse ne theksojmë vazhdimisht përshpejtimin e dërgesave të armëve në Ukrainë. Ajo që duhet sa më shpejt është barazia në fushën e betejës për të ndalur këtë ushtri djallëzore dhe për ta shtyrë atë përtej kufijve të vendit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
