Nxënësit i shpërthen bateria e celularit në çantë, 8 të plagosur në Itali

Tetë persona kanë mbetur të plagosur si pasojë e një incidenti të ndodhur në shkollën e hotelerisë Ipsar Amerigo Vespucci, në Milano të Italisë.

Një bateri e cila përdoret për karikimin e celularëve, shpërtheu brenda çantës së një nxënësi.

Shtatë nxënës, mes tyre dy 15-vjeçar dhe një mësuese u dërguan në spital të plagosur.

Bateria ndodhej në çantën e shpinës së një 17-vjeçari, duke bërë që të dëmtohen edhe personat që ndodheshin përreth tij.

Në vendin e ngjarjes mbërriti ndihma e shpejtë dhe policia, për të zbardhur dinamikën e ngjarjes.