Zgjedhjet në Serbi/ Mustafa: Për here të parë pesë subjekte politikë bëhen bashkë për të drejtat e shqiptarëve (VIDEO)

<p>Presidenti serb Aleksandër Vuçiç i shpalli në fillim nëntorit zgjedhjet e jashtëzakonshme parlamentare për datën 17 dhjetor.</p> <p>Zgjedhjet për asambletë lokale do të mbahen në 65 qytete dhe komuna.&nbsp;</p> <p>Po si qëndron Lugina e Preshevës në përgatitje të këtyre zgjedhjeve?</p> <p>Ish-kryetari i Këshillit Nacional të Shqiptarëve në Serbi, Ragmi Mustafa, thotë në një komunikim për MCN live, thotë se e rëndësishmja është që përfaqësuesit politik shqiptare do të dalin me dy lista për të garuar.</p> <blockquote> <p>Zgjedhjet e shpeshta që mbahen në Serbi, përkatësisht ato që i nxit vazhdimisht presidenti Aleksander Vu֛çiç, kanë edhe një qëllim në kuptimin e indiferencës së votuesve, në kuptimin e pjesëmarrësve të votuesve në zgjedhjet parlamentare.</p> <p>Ajo që është e rëndësishme është që tashmë shqiptarët e Luginës së Preshevës do të kenë dy lista për të cilën do të garojnë. Lista e parë është Alternativa Demokratike Shqiptare “Lugina e Bashkuar” që përfaqësohet nga kryetari i komunës së Preshevës, ndërkaq është edhe një listë tjetër “Beteja politike e shqiptarëve të Luginës”, e Shaip Kamberit, i cili deri më tani ka ushtuar profesionin e deputetit në Parlamentin serb, e me ç’rast rreth tij janë mbledhur përveç Partisë për Veprim Demokratik, të cilin ai është kryetar, e mbështet edhe Partia Demokratike Shqiptare. Lëvizja e Progresit Demokratik, Unioni Demokratik Shqiptar dhe Alternativa për Luginë.</p> </blockquote> <p>Ish-kryetari i Këshillit Nacional të Shqiptarëve në Serbi, Ragmi Mustafa, thotë se për herë të parë për këto zgjedhje, pesë subjekte politikë bëhen bashkë për të drejtat e shqiptarëve.</p> <blockquote> <p>Të gjitha këto pesë subjekte politike janë bërë bashkë me z.Kamberi, për të vazhduar një betejë të cilën e konsiderojnë në raport me Republikën e Serbisë kundër diskriminimit, mosdorëzimit dhe mosnënshtrimit ndaj shtetit të Serbisë, përkatësisht presidentit Vuçiç duke i kërkuar në vazhdimësi të drejtat e shqiptarëve te Luginës së Preshevës që të jenë në agjendën politike të Serbisë por edhe në agjendat rajonale për të realizuar atë që është edhe për të tjerët në rajon.</p> </blockquote>