Mbledhja e kryeministrit Edi Rama me ministrat do të vijojë edhe ditën e sotme për të diskutuar performancën 12 mujore të ministrive.
Nëpërmjet një postimi në Facebook, kreu i qeverisë shkruan se analiza e detajuar e 12 muajve të shkuar bën qeverinë shumë optimiste për 2023-shin.
Ai thekson se diskutimi maratonë i ka dhënë kabinetit qeveritar mundësinë e një reflektimi shumë të dobishëm mbi çdo sektor për zhvillimin e Shqipërisë.
Vazhdojmë edhe sot diskutimin maratonë të fillimvitit, ku analiza e detajuar e 12 muajve të shkuar na bën shumë optimistë për 2023-shin, po na jep edhe mundësinë e një reflektimi shumë të dobishëm mbi çdo sektor.
Në fokus të diskutimeve sot mbeten projekte si Korridori Blu, Parku Fotovoltaik Karavastaja, HEC Skavica, Tuneli i Llogarasë, Hekurudha Tiranë-Durrës, Aeroporti i Sarandës, Aeroporti i Vlorës dhe fluksi i turistëve.
Një ditë më parë, kreu i qeverisë diskutoi me ministrat për bilancin vjetor dhe detyrat që priten të kenë për 2023.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
