Përmbytjet në Japoni u marrin jetën 38 personave, dhjetëra të tjerë rezultojnë të humbur

Përmbytjet dhe rrëshqitjet e tokës kanë vrarë të paktën 38 persona, ndërsa dhjetra të tjerë rezultojnë të humbur në zonat perëndimore të Japonisë.

Shumica e vdekjeve kanë ndodhur në prefekturën e Hiroshimës, e cila është goditur nga një shi i rrëmbyeshëm që nga e enjtja. 

Qindra shtëpi janë dëmtuar dhe rreth 1.5 milionë njerëz janë detyruar të largohen nga shtëpitë e tyre, ndërsa tre milionë të tjerë këshillohen që të kenë kujdes dhe të jenë gati për një evakuim.

Mijëra policë, zjarrfikës dhe ushtarë po marrin pjesë në operacionet e kërkim-shpëtimit.

Disa nga viktimat janë zënë të gjallë nga rrëshqitjet e tokës, njofton agjencia e lajmeve Kyodo e Japonisë.

Në qytetin e Motoyama, rreth 600 km në perëndim të kryeqytetit Tokio, ra 583mm shi nga e premtja në të shtunë, tha agjencia meteorologjike e Japonisë.

Shi më shumë pritet gjatë ditëve të ardhshme. Kyoto, rreth 300 km në lindje të Hiroshima, është goditur gjithashtu nga rrebeshat. 

Prefektura e Yamaguchi, një zonë tjetër e goditur nga shiu i madh, i paraljmëroi njerëzit që të vëzhgonin lajmërimet për evakuim dhe të vepronin sa më shpejt.