Gjysma e vendeve në Afrikë kanë vetëm 2% ose më pak të popullsisë së tyre të vaksinuar plotësisht sipas Organizates Boterore te Shendetesise.
Richard Mihigo, Koordinatori i OBSH-së për vaksinimin në Afrikë është shprehur se vendi ka një rrugë të gjatë përpara për të arritur objektivat.
“Të dhënat e fundit tregojnë përparime modeste, por ka ende një rrugë të gjatë përpara, për të arritur objektivin e OBSH-së për të vaksinuar plotësisht 40% të popullsisë deri në fund të vitit”
Ndërsa në një cep tjetër të botës, Australia do të rihapë kufijte e saj duke filluar nga nëntori. “Është koha që australianët t’i kthehen jetës normale”, tha kryeministri Scott Morrison. Ky vend do të lejoj fillimisht udhëtimin e qytetarëve të vaksinuar kundër koronavirusit dhe të të afërmve të tyre.
E teksa shkenca po e njeh çdo ditë e më shumë covid-19, një studim britanik, arrin në përfundimin se është e sigurt që të merren njëkohësisht vaksina kundër coronavirusit dhe ajo e gripit dhe se një gjë e tillë nuk ndikon negativisht në reagimin e imunitetit ndaj asnjërës prej tyre.
Studimi, i udhëhequr nga Universiteti i Bristolit, zbuloi se efektet anësore të raportuara ishin zakonisht të lehta deri në të moderuara, ndërsa artikulli pritet të botohet i plotë në revistën shkencore The Lancet.
Deri më tani, sipas të dhënave të Universitetit Johns Hopkins, në të gjithë botën janë injektuar mbi 6 miliardë vaksina, ndërsa koronavirusi ka prekur mbi 233 milionë njerëz, prej të cilëve mbi 4.7 milionë kanë humbur jetën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
