Janë shembur këtë të enjte 2 struktura shërbimi në plazhin e Zvërnecit, të paralajmëruara që nga nisja e sezonit turistik.
IKMT, INUV mbështetur nga policia e rendit kanë prishur 2 strukturat edhe pse sipas pronarëve të tyre, ata janë ende në proces gjyqësor.
Tafili dhe Kociraj janë shprehur të revoltuar ndërsa akuzojnë se askush nuk i dëgjoi për shqetësimin e ngritur prej tyre gjatë gjithë kësaj kohe.
Sipas tyre nëse do të bëhej fjalë për një projekt publik ku të përfshihej gjithë bregdeti nga Triporti në Zvërnec ata do ti prishnin vetë strukturat e shërbimit në plazh edhe pse janë aty prej gati 2 dekadash.
Por selektimi po bëhet sipas tyre vetëm për interesa të personave të caktuar.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
