Kryeministri Ramush Haradinaj thotë se krijimi i ushtrisë së Kosovës nuk rrezikon marrëdhëniet me NATO-n. Në një deklaratë para deputetëve të Kuvendit, Haradinaj tha se mandatimi i ushtrisë javën që vjen, është proces i brendshëm dhe në përputhje me Kushtetutën.
Haradinaj tha se qeveria e Kosovës nuk ka arritur që të bisedojë me secilën qeveri aleate të NATO-s, por theksoi se janë zhvilluar takime intensive me shtetet që kanë vendimmarrje të plotë në aleancë.
Madje sipas tij, Kosova nga një shtet konsumues i sigurisë do të jetë edhe prodhues i sigurisë duke kontribuar në aleancë.
Haradinaj është shprehur se deklaratat e Serbisë se FSK-ja po përgatitet për very janë tërësisht të pavërteta.
Një ditë më parë, sekretari i Përgjithshëm i NATO-s, Jens Stoltenberg, paralajmëroi Prishtinën zyrtare do të "përballet me pasoja serioze nëse vazhdon me transformimin e Forcës së Sigurisë së Kosovës në ushtri të Kosovës". Sipas Stoltenbergut, ky proces po udhëhiqet “në një moment mjaft të papërshtatshëm, pa u respektuar procedurat”.
Këto deklarata, kreu i Aleancës së Atlantikut Verior i bëri në fund të takimit të ministrave të Jashtëm të vendeve anëtare të NATO-s, ku është diskutuar për gjendjen në Ballkanin Perëndimor.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
