Parandalohet atentati në Vlorë, zbulohen dy makina të vjedhura dhe tri shishe benzinë

Policia e Vlorës ka parandaluar një ngjarje të mundshme kriminale. 

Bazuar në informacionet e siguruara, uniformat blu kanë ushtruar kontrolle të imtësishme në aksin rrugor dhe në territorin e fshatit Babicë e Madhe, ku janë zbuluar dy automjete të dyshuara të vjedhura.

Makinat janë gjetur të fshehura në një sipërfaqe ullishteje dhe bëhet fjalë për një automjet tip “Nissan” dhe një automjet tip “Audi Q5”, të dyja me targa të huaja. Raportohet se brenda automjeteve janë gjetur edhe tre shishe me benzinë. 

Sipas Policisë, nga veprimet e para hetimore dyshohet se këto automjete do të përdoreshin për kryerjen e një ngjarjeje të rëndë kriminale.

Automjetet dhe provat e tjera të sekuestruara do t’i nënshtrohen ekzaminimeve shkencore.