Bazuar në një sondazh të kryer nga Qendra Ruse e Kërkimit të Opinionit Publik (Vciom), 86 për qind e qytetarëve rusë mendojnë se presidenti Vladimir Putin, ka një plan të qartë zhvillimi për vendin nga tani deri në vitet e ardhshme dhe se ai është në gjendje për ta zbatuar atë.
Sondazhi u krye mes 1600 rusëve më 1 mars gjatë fjalimit vjetor të Putinit në Asamblenë Federale Ruse.
Sipas agjencisë së lajmeve Tass, në mesin e atyre që ndoqën fjalimin, 85 për qind thanë se Putin ka një plan veprimi dhe strategji të qartë për zhvillimin e vendit për disa vitet e ardhshme.
Një në dhjetë të intervistuar (10 përqind) mendon se nuk ka strategji, por, përkundrazi, shumica e qytetarëve, 86 për qind, besojnë se presidenti mund ta “zbatojë planin plotësisht ose të paktën pjesërisht”.
Në përfundim, sipas 86 për qind të të intervistuarve, fjalimi i Vladimir Putinit u perceptua si “pozitiv”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
