Policia e Singaporit po planifikon të vendosë robotë në rrugët e vendit, pas pesë vitesh testimesh në mjedise të kufizuara dhe dy muaj pas prezantimit të dy prototipeve në aeroportin Changi. “Policia e Singaporit synon të vendosë në mënyrë progresive më shumë robotë patrullimi për të rritur operacionet e policisë në territorin e Singaporit”, thuhet në deklaratë, por përmenden datat e planit. Robotët që operojnë në aeroport që nga prilli janë të pajisur me një aparat fotografik me pamje 360 gradë, të montuar në një shtyllë që mund të zgjatet në një lartësi prej 230 centimetrash. Falë sirenave, altoparlantëve dhe dritave ndezëse, prototipet janë gjithashtu në gjendje të krijojnë një kordon sigurie në një situatë emergjente. Udhëtarët mund të shtypin gjithashtu një buton në pjesën e përparme të robotit për të kontaktuar policinë e aeroportit dhe për të marrë një përgjigje nga oficerët në qendrën e operacioneve.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
