Presidenti amerikan Joe Biden tha se ka frikë se Vladimir Putin nuk ka rrugëdalje nga lufta në Ukrainë.
Biden e përshkroi presidentin rus si "një njeri shumë të përllogaritur", por pa një strategji daljeje.
Ai tha se Putin gabimisht kishte besuar se pushtimi i Ukrainës do të shpërbënte NATO-n dhe Bashkimin Evropian.
Biden shtoi se përkundrazi, SHBA-të dhe shumë vende evropiane u bashkuan në krah të Ukrainës duke u bërë më të unifikuar.
Komentet optimiste të Presidentit Biden për unitetin evropian erdhën pasi udhëheqësi francez Macron u shpreh se i frikësohet një zgjatjeje për dekada të procesit të anëtarësimit të Ukrainës në BE.
“Ne të gjithë e dimë shumë mirë se procesi i lejimit të anëtarësimit (Ukrainës) do të zgjaste disa vjet, në fakt ndoshta disa dekada”, tha Macron.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
