Ministri i Jashtëm i Italisë, Luigi Di Maio, u shpreh sot në një konferencë për media më kryeminsitrin Edi Rama, se Italia është krah Shqipërisë jo vetëm në procesin e integrimit në Bashkimin Europian por dhe në këto momente kur vendi ynë po përballet me pasojat e tërmetit të 26 nëntorit.
Diplomati Italian deklaroi se Italia do të ndihmojë Shqipërinë dhe në konferencën e donatorëve. Ai gjithashtu ka apeluar për dialog mes mazhorancës dhe opozitës shqiptare që të mos kompromentojë procesin e integrimit evropian.
“Ndodhem këtu për të shprehur solidaritetin dhe mbështetjen e Italisë në rrugëtimin e integrimit evropian. Theksova mbështetjen e palëkundur të integrimit te Shqiperisë dhe Maqedonise së Veriut dhe në vijim të vendimit të mos çeljes së negociatave që u mor në tetor.
Italia instiston mbi nevojën e një vendimi pozitiv për të dyja vendet dhe për të caktuar një datë për konferencën së parë ndërqeveritare dhe një mandat për komisionin për të përgatitur edhe kuadrin e negociatave.
I shpreha dëshirën që gjithë aktorët politikë të angazhohen edhe më tej në rivendosjen në një klimë politike të tillë që të mos kompromentojë rrugëtimin e integrimit evropian, duke favorizuar një ulje të tensioneve dhe hapjen e kanaleve të përballjes dhe dialogut”, tha Maio në konferencë.
Kryeministri Edi Rama falenderoi Italinë për ndihmën që dha pas tërmetit tragjik të 26 nëntorit: “Italia ka qenë dhe mbetet partneri ynë i parë në marrëdhëniet ekonomike e tregtare, vendi që nuk është kursyer asnjëherë në transformimih e vendit nga një diktaturë në një demokraci funksionale.
Kryeministri Edi Rama vlerësoi sot impenjimin konstant të Italisë për të shtyrë para procesin e integrimit europian të Ballkanit Perëndimor dhe të Shqipërisë në veçanti.
Rama tha se Italia do të mbështesë legjislacionin e ri kundër KÇK-së.
"Me ministrin kemi diskutuar dhe legjislacionin e ri kundër KCK-së dhe njësinë speciale kundër korrupsionit. Ministri më ka konfirmuar gadishmërinë e Italisë për të mbështetur jo thjesht me asistencë teknike por dhe njerëz në terren, bashkëpunim konkret”, tha Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
