Këshilli i Ministrave i ka dërguar Kuvendit emrat e kandidatëve për drejtimin e Komisionit të Prokurimit Publik (KPP), pas përfundimit të procesit të përzgjedhjes dhe vlerësimit.
I ftuar në “MCN Live”, avokati Romeo Kara ngriti shqetësime për procesin e përzgjedhjes, duke pretenduar se mbi të ka ndërhyrje politike dhe se janë manipuluar vlerësimet për të favorizuar kandidatë të caktuar.
E keni parë se çfarë po bëhet tani me zgjedhjen e tyre, duke ditur çfarë fuqie kanë këta persona?
Thuhet se ka ndërhyrje politike nga nivelet më të larta, nga njerëz të fuqishëm. Nuk ngopen.
Këtu krimi e ka ‘shpëlarë’ politikën dhe është bërë më i fuqishëm se ajo.
Ndryshohen pikëzimet për të futur njerëzit që duan.
Nuk ka më besueshmëri në këtë proces.
Në këtë pazar, si ka mundësi që Kuvendi nuk shqetësohet për KPP-në?
Nuk e ka thirrur asnjëherë për raportim
Ndërkohë, i shkon në mendje të çojë auditues të jashtëm te Kontrolli i Lartë i Shtetit, në kundërshtim me Kushtetutën.
Kam humbur besimin te ky proces. Janë paratë e shqiptarëve dhe duhet të administrohen siç duhet.
Sot, për anëtarët e KPP-së votojnë ata që kanë në dorë menaxhimin e parasë publike.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
