Analisti Preç Zogaj, i ftuar në emisionin “Të Paekspozuarit” në MCN, tha se është gjë e mirë që Shqipëria e ka aleat SHBA-në, pasi është një vend i madh.
Lidhur me operacionin për kapjen e presidentit venezuelian, Zogaj tha se SHBA tregoi se ajo qëndronë mbi të tjerët, ndërkohë që sipas tij vihet në diskutim nëse kjo ishte shkelje apo jo e të drejtës ndërkombëtare.
“SHBA është një vend shumë i madh dhe është gjë e madhe ta kemi aleat. Nuk e kanë zgjedhur regjimet aleat, por shqiptarët.
Ne jemi vend i vogël dhe ne u jemi mirënjohës. Nuk jemi kompenentë, por duke e parë nga televizori ky është një operacion i përsosur është sinteza e mjetit, fuqisë dhe suksesit në kohë rekord, ku për 49 sekonda çahet një bunker.
Amerika dha shembull se qëndron mbi të tjerët. Vihet në diskutim çështja e shkeljes ose jo të drejtës ndërkombëtare. Disa e gjejnë shkelje, disa gjejnë ligje që e përligjin. Rregjimi i Maduros ishte më vulnerabël se të tjerët. Në SHBA ka urdhër arresti për Maduron, një akuzë e ndërtuar nga prokuroria e shtetit të Nju Jorkut me dëshmi nga ish-bashkëpunëtorët se ai nuk është president, por shef i narkoshtetit.”
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
