Komisioneri Publik ka kërkuar shkarkimin e gjyqtares në Gjykatën e Apelit Administrativ, Rilinda Selimi.
Kjo e fundit u konfirmua në detyrë nga KPK në vitin 2020.
"Paraqiten rrethana ligjore e fakti që e bëjnë të cenueshëm vendimin",- thotë Komisioneri Publik.
Rilinda Selimi e ka filluar karrierën në sistemin e drejtësisë në vitin 2000 dhe ka punuar fillimisht si gjyqtare në Gjykatën e Librazhdit dhe më pas, për rreth një dekadë në Gjykatën e Fierit.
Në vitin 2010, Selimi është transferuar në Gjykatën e Tiranës, ndërsa prej vitit 2013 e ushtron funksionin në Gjykatën Administrative të Apelit.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
