Qeveria britanike e Keir Starmer do të lirojë para kohe mijëra të burgosur pasi të kenë kryer 40% të dënimeve të tyre dhe do të rekrutojë 1000 oficerë prove për të zgjidhur krizën e mbipopullimit në burgje e cila kërcënon “një prishje totale të ligjit dhe rendit”, njoftoi sekretarja e drejtësisë.
Sekretarja Shabana Mahmood, e përshkroi një politikë të tillë si “mënyrën e vetme për të shmangur katastrofën”, duke thënë se nëse më burgje do të mbaronin vendet, gjykatat do të detyroheshin të vononin burgosjen e shkelësve të ligjit.
“Nëse nuk veprojmë tani, rrezikojmë të përballemi me kolapsin e sistemit të drejtësisë penale. Dhe një prishje totale e ligjit dhe rendit”, tha ajo në një konferencë shtypi në Northamptonshire.
Nga shtatori, qeveria do të ulë përkohësisht përqindjen e disa dënimeve me burg të vuajtura në burg nga 50% në 40% në Angli dhe Uells.
Gjithashtu do të zbatohen masa mbrojtëse dhe përjashtime për të mbajtur publikun të sigurt dhe do të ketë plane të qarta lirimi për të menaxhuar shkelësit në mënyrë të sigurtë në komunitet.
Dënimet për vepra të rënda të dhunshme prej katër vitesh ose më shumë dhe veprat seksuale do të përjashtohen automatikisht.
Do të përjashtohet gjithashtu lirimi i parakohshëm i autorëve për krime që lidhen me abuzimin në familje ku përfshihen:
-Veprat e përndjekjes.
-Sjelljet kontrolluese ose shtrënguese në një marrëdhënie intime ose familjare.
-Mbytje jo fatale.
-Shkelja e urdhrit të ndalimit dhe urdhrit për mbrojtjen e abuzimit në familje.
Skema pritet të lejojë disa mijëra të burgosur të largohen në fillim të këtij viti.
“Kur burgjet janë plot, dhuna rritet duke vënë në rrezik oficerët e burgjeve në radhë të parë. Kur nuk ka qeli në dispozicion, të dyshuarit nuk mund të mbahen në paraburgim. Kjo do të thotë ngarkesë me njerëz të rrezikshëm të cilët qarkullojnë në vend. Me pak fjalë, nëse nuk arrijmë të veprojmë tani, përballemi me kolapsin e sistemit të drejtësisë penale dhe një prishje totale e ligjit dhe rendit”, tha Mahmood.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
