Presidenti i Kenias, William Ruto deklaron se do të tërheqë projektligjin financiar i cili përmban rritje të ndjeshme të taksave pas protestave vdekjeprurëse gjatë të cilave parlamentit iu vu zjarri.
Në një fjalim drejtuar kombit, ai tha se ishte e qartë se kenianët nuk e duan projektligjin.
“Pranoj”, tha ai, duke shtuar se nuk do ta nënshkruajë ligjin.
Të paktën 22 persona u vranë në protestat e së martës, sipas Komisionit Kombëtar të Kenias për të Drejtat e Njeriut.
Ruto tha se do të hynte në dialog me të rinjtë, të cilët ishin në ballë të protestave më të mëdha që goditën vendin që kur ai u zgjodh në vitin 2022.
Duke dëgjuar me zell popullin e Kenias, të cilët kanë thënë me zë të lartë se nuk e duan këtë projektligj financiar 2024, e pranoj.
Unë nuk do të nënshkruaj projektligjin e financave të vitit 2024 dhe më pas ai do të tërhiqet. Populli ka folur.
Projektligji u miratua nga parlamenti të martën, pavarësisht protestave mbarëkombëtare kundër tij.
Protestuesit hynë në parlament, duke vandalizuar pjesën e brendshme dhe duke i vënë flakën pjesëve të kompleksit.
Ruto fillimisht u përgjigj me kundërshtim. Ai urdhëroi vendosjen e ushtrisë, duke thënë se dhuna dhe anarkia nuk do të tolerohen.
Projektligji propozonte taksa mbi bukën, vajin e gatimit, shërbimet e parave celulare, spitalet e specializuara dhe automjetet, të gjitha që sipas kenianëve se do të përkeqësonin krizën e kostos së jetesës.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
