Presidenti i Malit të Zi e ka emëruar kreun e intelegjencës si mandatar të qeverisë së ardhshme, që do të përpiqet ta krijojë qeverinë e re.
Dushko Markoviç është gjithashtu zëvendës kryetar i Partisë Demokratike të Socialistëve në pushtet dhe një nga aleatëtmë të besueshëm të Milo Gjukanoviqit, ish-kryeministrit dhe liderit shumëvjeçar të partisë.
Partia Demoratike e Socialistëve doli partia më e fuqishme në Mal të Zi me 81 vende në parlament, pas zgjedhjeve të 16 tetorit, por humbi shumicën.
Ajo po kërkon aleancë me socialdemokratët dhe me partitë e tjera që përfaqësojnë pakicat, që do t’i jepte asaj shumicën prej vetëm dy vendeve.
Partitë kryesore opozitare kanë refuzuar që të zhvillojnë biseda me Gjukanoviçin, të cilin e akuzojnë për korrupsion dhe autoritarizëm gjatë 25 viteve të qeverisjes.
Në një deklaratë për shtyp presidenti, Filip Vujanoviç, la të kuptohej se Markoviq "do të vazhdojë shumicën e politikave pro-perëndimore të Gjukanoviçit".
Ai do të “jetë i përkushtuar për integrimet evropiane dhe zhvillimin ekonomik”, tha Vujanoviq.
Mali i Zi shpreson që t’i bashkohet NATO-s dhe BE-së.
Duke komentuar emërimin e Markoviqit, presidenti rus, Vladimir Putin tha se ai shpreson se Mali i Zi do të zbatojë një “politikë të balansuar të jashtme” dhe do të mbajë lidhjet me Moskën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
