Flamujt dhe veshja tradicionale kanë shënjuar festën kombëtare të “Jo-së”, greke, e njohur ndryshe si refuzimi që shteti helen i ka bërë Italisë për ta pushtuar pa rezistencë.
Në 81-vjetorin e përkujtimit të kësaj feste, fillimisht në Grykën e Këlcyrës u mbajt mesha në Manastir, për të vijuar më pas me vendosjen e kurorave me lule në varrezat ku prehen eshtrat e 650 ushtarëve grekë të rënë në luftën italo-greke 1940-1941.
Në Këlcyrë, prezentë ishin ambasadorja greke, Sofia Filipidhu, konsulli grek i Gjirokastrës, Dimitris Saharidis, zv ministri i jashtëm grek Andreas Kasanjotis, si dhe deputetet minoritarë të Kuvendit të Shqipërisë, Vangjel Dule dhe Niko Kuris deputet i PS për Sarandën.
Ceremonia ka vijuar më tej në fshatin Bularat, ku përfaqësues të autoriteteve greke dhe shqiptare kanë marrë pjesë në meshën e organizuar në kishën e fshatit.
Festa kombëtare e “JO-së” greke ndaj Italisë, përkon edhe me 3 vjetorin e vdekjes së të riut Konstantinos Katsifas, i cili është përkujtuar gjithashtu nga të pranishmit, teksa socialisti Nikos Kuris ndezi një qiri në varrin e Katsifas.
Por babai i Katcifas nuk është ndjerë mirë gjatë cermonisë, teksa është nisur me urgjencë në spital për ndihmë mjekësore.
Vetë kreu i PBDNJ, Vangjel Dule ka kërkuar nga autoritetet shqiptare, zbardhjen e plotë të “vetëvrasjes” së të riut Konstandino Katcifas, teksa ngriti dyshime mbi punën e Policisë.
Më herët Policia ngriti postblloqe në disa akse rrugore për të ruajtur rendin, ndërsa pikat kufitare i janë nënshtruar kontrolleve intensive për çdo udhëtar që futej në tokën shqiptare.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
