Duke iu referuar të dhënave nga autoritetet italiane, Kryetari i Partisë Demokratike Lulzim Basha ka deklaruar se sipërfaqja e mbjellë me drogë në Shqipëri është 5-fishuar.
Kryedemokrati tha se vendi është kthyer në hambarin e prodhimit të drogës në Europë ndërsa shtoi se ky fenomen rrezikon stabilitetin e rajonit .
"Opozita është e informuar zyrtarisht nga autoritetet se pas vrojtimit të 17% të territorit, rezulton 5-fishim i sipërfaqes së mbjellë me drogë. Sipërfaqja është rritur nga 42.7 hektar në 213.7 hektar hektar të mbjellë këtë vit. 13.8% e territorit nuk ka arritur të vrojtuar. Në këtë territor të vrojtuar, nuk është vrojtuar cikli i parë i farës vietnameze, ndërkohë që vrojtimi nga ajri ka nisur javën e tretë.
Raportimet e medias italiane tregojnë për dhjetra ton drogë që kanë ardhur nga Shqipëria e janë kapur, por policia shqiptare tha se ka asgjësuar 99.8%. Shqipëria është hambari më i madh i drogës në Europë.
Kërkuam monitorim nga ajri, për të nisur parandalimin, por Rama e Tahiri në vend që të vepronin u tallën e sulmuan opozitën.Në gjithë këtë proces nuk kemi asnjë trafikant të arrestuar por veç fukarenjve që punojnë si skllevër në arat e kanabisit. Qytetarët denoncuan çdo ditë, por qeveria kishte për synim të sulmonte prokurorët e guximshëm që iu kundërvunë drogës që të pengonin operacionin" është shprehur Basha.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
