Deri në 200 ushtarë ukrainas vriten çdo ditë në agresionin ushtarak të Rusisë.
Një shifër e tillë raportohet nga një këshilltar i Presidentit, Volodymyr Zelensky.
Mykhailo Podolyak i tha BBC-së se vetëm armatimet më të avancuara perëndimore do ta kthejnë ofensivën ndaj rusëve, do të zvogëlojnë viktimat dhe do ta detyrojnë Moskën që të ulet në tryezën e bisedimeve.
Ai tha se humbja ditore llogaritet mes 100 dhe 200 ushtarëve ukrainas, që sipas tij, është rezultat i një mungesë të plotë të barazisë midis Ukrainës dhe Rusisë.
Trupat ukrainase janë nën bombardime të vazhdueshme ndërsa forcat ruse përpiqen të marrin kontrollin e të gjithë Donbasit.
Armiqtë kanë përdorur praktikisht gjithçka që nuk është bërthamore: artileri të rëndë, sisteme shumëdrejtimëshe raketash dhe sulm ajror.
Ndërhyrja ushtarake ruse në Ukrainë, nisi më 24 shkurt, në atë që Presidenti Vladimir Putin, e etiketoi si “operacion special ushtarak”.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
