Seanca e radhës së Parlamentit që mbahet çdo të enjte do të bllokohet nga opozita nëse Rama refuzon të pezullojë ligjërisht Armando Prengën. Kështu deklaroi kryetari i opozitës, Lulzim Basha pas mbledhjes së grupit të PD.
Gjithashtu çuarja për gjykim në Gjykatën Kushtetuese e mandateve të tre deputetëve që sipas Bashës kanë përfituar miliona pasuri publike të shqiptarëve, Koço Kokëdhimës, Rakip Sulit dhe Valentina Leskaj është një tjetër pretendim i Partisë Demokratike. Duke e akuzuar Ramën se po përpiqet të pengojë dekriminalizimin, Basha theksoi se herët a vonë Prokuroria Speciale Antikorrupsion do të ketë të bëjë me shkaktarin e kësaj krizë të gjithanshme që quhet Edi Rama.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
