Masat ajrore me origjinë nga Veriu i Afrikës do të mbeten prezente në territorin shqiptar, duke bërë që të vijojnë temperaturat ekstremisht të larta në ultësirën perëndimore dhe në verilindje të vendit.
Më i freskët moti do të jetë në qarkun e Korçës. Kushtet e motit do të jenë në dominimin e kthjellimeve gjatë paradites, por pasditja sjell kalime të pakta vranësirash të cilat më të dukshme do të jenë në zonat Verilindore.
Sipas MeteoAlb, temperaturat e ajrit do të ulen lehtë në mëngjes dhe në mesditë duke luhatur vlerat ditore nga 17°C deri në 41°C.
Era do të fryjë e lehtë dhe mesatare me shpejtësi 35 km/h nga drejtimi verior – veriperëndimor, për pasojë në brigjet detare do të krijohet dallgëzim 2 ballë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
