Departamenti Amerikan i Shtetit ka bërë thirrje që diskutimet që janë mbajtur në Bruksel për çështjen e rregullores së re të Bankës Qendrore të Kosovës të vijojnë me urgjencë.
Zëdhënësi i DASH, Vedant Patel në një konferencë për mediat ka përsëritur sërish shqetësimin e SHBA-ve për situatën e krijuar dhe u ka bërë thirrje Kosovës dhe Serbisë që t’i ulin tensionet.
“Besojmë se këto diskutime duhet të vazhdojnë me urgjencë. Dialogu i lehtësuar nga BE-ja është kanali adekuat për të zgjidhur këto çështje të ndërlidhura me normalizimin e marrëdhënieve mes Kosovës dhe Serbisë”, ka thënë zëdhënësi i DASH-it, Vedant Patel në konferencë për media.
Zëvendëskryeministri i Kosovës, Besnik Bislimi tha se Kosova dhe Serbia deri të premten duhet të dërgojnë propozime për çështjen e dinarit, ndërsa takimi i radhës do të mbahet të hënën.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
