Vranësirat dhe shirat intensive do të jenë të pranishme në vendin tonë që në orët e para të mëngjesit, më problematike situata do të paraqiten në veri - qendër duke rrezikuar përmbytje. Herë pas here do të ketë stuhi të forta ere dhe shkarkesa me rrufe. Parashikohet që pasditja të sjellë përkeqësim të motit në zonat jugore duke bërë që shirat të jenë me intensitet të lartë. Herë pas here do të ketë edhe rrebeshe.
E njëjta situatë e paqëndrueshme e motit do të vijojë edhe gjatë natës. Sipas MeteoAlb, temperaturat e ajrit do të mbeten të lartë në orët e mëngjesit por mesdita do të sjellë rënie me 2- 3 gradë të temperaturave në vend. Era do të fryjë e fortë si në tokë dhe në det me shpejtësi 75 km/h nga drejtimi jugor dhe jugperëndimor duke gjeneruar në brigjet detare dallgëzim 6 ballë.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
