Policia norvegjeze ka gjobitur kryeministren e vendit, Erna Solberg, për thyerjen e rregullave të distancës sociale, të vendosura nga qeveria e saj. Shkelja u konstatua gjatë një feste familjare për 60-vjetorin e lindjes së saj.
Gjoba e vendosur ndaj kryeministrit është 20 000 korona norvegjeze (2 352 dollarë), deklaroi shefi i policisë lokale, Ole Saeverud.
Ndërsa në shumicën e rasteve, një gjobë nuk ekzekutohet, kryeministrja u bë shembull pasi ka qenë ajo drejtuesja e ekipit që vendosi masa të ashpra, vuri në dukje shefi i policisë.
Festa, një sushi party- u organizua nga kryeministrja në fund të shkurtit. Ajo u zhvillua në një hotel malor me 13 familjarë, në një kohë kur si kryeministre i kishte ndaluar mbledhjet e më shumë se 10 personave për të luftuar përhapjen e Covid-19.
Publikimi i detajeve të festës i ra në sy policisë, e cila kërkoi shpjegime. Solberg nuk u përpoq të fshihte asgjë dhe kërkoi falje.
"Më vjen keq që familja ime dhe unë kemi thyer rregulloret - kjo nuk duhet të kishte ndodhur kurrë," shkroi Solberg në Facebook pak më vonë. "Ne natyrisht duhet të kishim ndjekur të gjitha rekomandimet, siç ju kam kërkuar juve."
Familjarët e tjerë që morën pjesë në festë nuk u gjobitën.
"Solberg është udhëheqësja e vendit dhe ka drejtuar vendosjen e kufizimeve për të parandaluar përhapjen e virusit," theksoi shefi i policisë.
Që nga fillimi i pandemisë, Norvegjia ka regjistruar vetëm rreth 101 000 raste koronavirusi dhe më paks e 700 vdekje. Vendi me rreth 5.3 milion banorë ka përdorur kufizime të rrepta në përpjekje për të ndaluar përhapjen e sëmundjes.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
