Gjiganti kinez i tregtisë në internet, “Alibaba” njoftoi sot se do të investojë rreth 13 miliardë euro në kërkim, kryesisht për të rritur teknologjitë e tij të inteligjencës artificiale, thelbësore për të vazhduar të dominojë një sektor shumë konkurent.
Kompania do të shpenzojë këtë shumë për tre vite në aktivitetet e saj të kërkimit dhe zhvillimit dhe do të ngrejë shtatë laboratorë të rinj në të gjithë botën, njoftoi drejtori i teknologjisë, Jeff Zhang gjatë një forumi mbi informatikën, sipas kompanisë.
“Fushat e studimit do të prekin trajtimin e të dhënave, objektet e lidhura (…) ndërveprimet mes njerëzve dhe makinave”, shpjegoi “Alibaba” në një komunikatë.
Kjo do t’i mundësojë kësaj kompanie që të qëndrojë në garën e teknologjive mbi inteligjencën artificiale, ku gjigantë të tjerë kinezë të internetit, duke filluar nga “Baidu” dhe “Tencent”, investojmë shuma kolosale.
MCN TV është një televizion gjeneralist, i cili përfshin emisione, seriale, filma, dokumentarë etj. Ky televizion ka në dispozicion të tij katër studio televizive të pajisura me teknologjinë bashkëkohore.
